ढल्केबर विधुतीय तामाको तार चोर्ने एक चोर प्रकाउ, अन्य १२ जना फरार

मधेशपाटी अनलाइन     २०७८ भाद्र ५, शनिबार २०:१५ बजे मा प्रकासित



न्युजडेस्क/जनकपुरधाम, भदौ ५
धनुषाको मिथिला नगरपालिका-६ ढल्केबरबाट शुक्रबार राती करिब १:३० बजेको समयमा नेपाल विधुत प्राधिकरण केन्द्रिय प्रसारण निर्देशनालय ढल्केबर नजिकै १०/१२ जना व्यक्तिहरु शंकास्पद रुपमा हिडिरहेको र प्रहरीलाई देख्ने बित्तिकै धमाधम हिडेर भाग्न खोजिरहेको लगत्तै इलाका प्रहरी कार्यालय ढल्केबरले एक जानलाई ह्याक्सो ब्लेड सहित नियन्त्रणमा लिएको छ ।

प्रकाउ पर्नेमा महोत्तरी जिल्लाको बर्दिबास नगरपालिका वडा नं-१२ घरभई हाल धनुषाको मिथिला नगरपालिका वार्ड नं-७ बस्ने ३७ वर्षीय मनिराज परियारलाई ह्याक्सो ब्लेड सहित नियन्त्रणमा लिई अनुसन्धान गर्दा निजहरु पटक पटक विधुत प्राधिकरण कार्यालयमा तामाको नांगो तार चाेरी गरेको २ सय ८६ किलो तामाको नांगो तार हालको ३ लाख बराबरको नांगो तामाको तार चोरी गरी ढल्केवरस्थित एमके मेटल स्टोरमा विक्री गरेको खुलेको छ । तार खरिद गरेको पसलको खानतलासी गर्दा चोरीको सम्पूर्ण तार बरामद भएको हो ।

प्रहरीले तार बरामद भएको एमके मेटल स्टोर ढल्केवरका सञ्चालक धनुषाको मिथिला नगरपालिका वडा नं ६ बस्ने ६९ बर्षीय नन्द किशोरलाई समेत पक्राउ गरेको छ ।

प्रारम्भिक अनुसन्धानबाट परियारसँगै अन्य १२ जना समेत गरी तामाको तार चोरी गर्न हिडेको पाइएको १२ जना भने फरार भएका छन् । चोरीमा संलग्न अन्य व्यक्तिहरुको खोजी कार्य भईरहेको इलाका प्रहरी कार्यालय ढल्केवरले जनाएको छ ।

प्रतिक्रिया





Top