न्युजडेस्क/जनकपुरधाम, भदौ १३
धनुषाको मुटु मानिने जनकपुरधाम-यदुकुहा निस्कने सबैभन्दा बढी प्रयोग भैरहेको सडक वर्षौंदेखि जीर्ण सडक मर्मत नगर्दा आवतजावतमा समस्या भएको भन्दै पुलचौकका स्थानीय युवाहरुले टायर बालेर प्रदर्शन गरेका छन् ।
जनकपुरधाम–यदुकुहा सडकखण्ड अन्तर्गत जनकपुरधाम १ स्थित पुलचोकमा स्थानीय युवाहरुले आइतबार बिहानदेखि सडकमा टायर बालेर प्रदर्सन गरेका हुन् । स्थानीयहरुले टायर बालेर र बाँस तेर्स्याएर सडक अवरुद्ध गरेका छन् ।
सडकमा भएका ठूलठूला खाल्डोको मर्मत गर्न पटकपटक सम्बन्धित निकायलाई भन्दा पनि चासो नलिएका कारण बाध्य भएर सडक जाम गरेर आन्दोलनमा उत्रनुपरेको स्थानीयहरुले बताएका हुन् ।
केहि यता लगातार वर्षा कारण खाल्डोमा पानी जमेर एकदमै समस्या भएको स्थानीयहरुको भनाइ छ । ‘खाल्डोमा पानी जम्दा पोखरी जस्तै बनेको छ’ स्थानीयले भने, ‘सम्बन्धित निकायले चासो नलिँदा बाध्य भएर सडक जाम गर्नु परेका हुन् ।’
प्रतिक्रिया