बढेको जाडोका कारण रौतहट सहित तराईको जनजिवन प्रभावित

मधेशपाटी अनलाइन     २०७८ पुष १८, आईतवार ११:३८ बजे मा प्रकासित



रबिन्द्र प्रजापति, पुस १८ गते रौतहट ।

शुक्रबार बिहानबाट बढेको जाडोका कारण रौतहट सहित तराई भरिका जनजिवन प्रभावित भएको छ ।

विहानै देखीको बाक्लो हुस्सुका कारण सवारी आवागमनमा समेत समस्या भएको छ । शितलहरका कारण जिल्लाका प्रमुख व्यापारीक बजारमा चहल पहल कम भएको छ । जाडोले विपन्न परिवार मारमा परेका छन् ।

बाक्लो हुस्सु र चिसो हावासँगै सुरु भएको शीतलहरका कारण रौतहटका जनजीवन अत्यन्त कष्टकर बन्दै गएको हो । मौसम बदली भई अचानक बढेको कठ्यांग्रिदो चिसोले विशेष गरी न्यानो कपडा नभएका विपन्न, दलित र सुकुम्बासी परिवार बढी प्रभावित भएका छन् ।

शरीर ढाक्ने न्यानो कपडा र रातको लागि ओढ्ने–ओछ्याउने नभएका परिवार चिसोमा कठ्याग्रिएरै बस्न बाध्य भएका हुन् । यसैगरि पशु चौपाया र पक्षीहरु पनि चिसोले प्रभावित भएका छन् ।

न्यानो कपडा नभएको र आगो ताप्न काठ दाउरासमेत उपलब्ध नरहेको क्षेत्रका विपन्न परिवार कठ्यांग्रिएरै दिनचर्या काट्न बाध्य भएका छन् ।

चिसोले घरपालुवा पशुपक्षी, बालबालिका, वृद्धवृद्धा र शारीरिक अवस्था कमजोर रहेका व्यक्ति बढी प्रभावित भएका छन् ।

प्रतिक्रिया





Top