जनकपुरधाम । धनुषा जिल्लाको हंसपुर नगरपालिका वडा नम्बर ३ ठरेसरी बाबाको मन्दिरमा पर्णा प्रतिष्ठा तथा उद्घाटन गरिएको छ । हंसपुर नगरपालिका मेयर रामज्ञान मण्डललको प्रमुख आतिथियमा बुधवार एक कार्यक्रम बीच उक्त मन्दिरको उद्घाटन गरिएको हो । नगरपालिकाको ११ लाखको लागतमा उक्त मन्दिर निर्माण गरिएको हो ।
मन्दिर उद्घाटन कार्यक्रमलाई सम्बोधन गर्दै मेयर मण्डलले स्थानीय समुदायको धार्मिक अस्थासँग जोडिएको ठरेसरी बाबाको मन्दिर निर्माणले यस क्षेत्रको जनता हर्षित भएको बताए । नगरपालिकाले विकास निर्माणका साथसाथै धर्म साँस्कृतिक संरक्षण प्रवद्र्धनमा जोड दिदै आएको भन्दै मेयर मण्डलले मन्दिर निर्माण वडा नम्बर ३ को महत्व अझै बढेको बताए ।
कामेश्वर सिंहको अध्यक्षतामा सम्पन्न कार्यक्रममा हंसपुर नगरपालिका उपमेयर रेणु झा, वडा नम्बर ३ का वडाध्यक्ष उदय सिंह, नेता श्याम सुन्दर सिंह, हरिनारयण सिंह, वडा नम्बर ३ का वडा सदस्य शसि कापर, साईट नेपालका अध्यक्ष अमित साह, लोकतान्त्रिक समाजवादी पार्टी (लोसपा)का युवा नेता सुजित कापर, विद्यार्थी नेता सुधिर मण्डल लगायतका सहभागिता रहेको थियो ।
प्रतिक्रिया