बन्द रहेको पशुपतिनाथ मन्दिर आजदेखि भक्तजनको लागि खुल्यो

मधेशपाटी अनलाइन     २०७८ माघ २८, शुक्रबार ०८:४८ बजे मा प्रकासित


काठमाडौं । कोरोना भाइरसको तेस्रो लहरका कारण माघ पहिलो सातादेखि बन्द रहेको पशुपतिनाथ मन्दिर आजदेखि सर्वसाधारणका लागि खुला गरिएको छ ।

जिल्ला प्रशासन कार्यालय काठमाडौँको माघ २३ गतेको आदेशानुसार मठ, मन्दिर, मस्जिद, गुम्बा, चर्चलगायतका स्थलमा जनस्वास्थ्य मापदण्ड पालना गरी एक पटकमा ५० जनाभन्दा बढी नहुने गरी पूजा, ध्यान वा प्रार्थना गर्न सकिने उल्लेख भएकाले मन्दिर खुला गर्न पशुपति क्षेत्र विकास कोषले जनाएको छ ।

कोषले महाशिवरात्रिको तयारी गरेसँगै पशुपतिनाथ मन्दिर खुला गर्ने जनाएको थियो । कोरोना सङ्क्रमण बढ्न थालेपछि यही माघ ५ गतेदेखि पशुपतिनाथ मन्दिर भक्तजनका लागि बन्द गरिएको थियो ।

मन्दिर बन्द भएपछि यसअघि नित्य पूजा मात्र भइरहेको थियो ।

प्रतिक्रिया





Top