सिरहा । मधेश प्रदेशको सिरहामा नेपाल नेत्रज्योति संघको ४५ औं स्थापना दिवसको अवसरमा पत्रकारहरुको निःशुल्क आँखा जाँच गरिएको छ ।
सिरहा जिल्लाको लहानस्थित सगरमाथा चौधरी आँखा अस्पतालले शिविरको आयोजना गरेर सिरहा लगायतका पत्रकारहरुको निःशुल्क आँखा जाँच गरेको हो । पत्रकार महासंघ मधेश प्रदेशको समन्वयमा सञ्चालन गरिएको शिविरमा १ सय २२ जना पत्रकारले आँखा जाँच गराएका थिए ।
जसमध्ये दृष्टि दोष भएका ९२ जनालाई निःशुल्क चस्मा वितरण र ७९ जनालाई निःशुल्क औषधि वितरण गरिएको नेपाल पत्रकार महासंघ मधेश प्रदेशले जनाएको छ ।
प्रतिक्रिया