जनकपुरधाम । सिरहामा एक युवकको शव फेला परेको छ । जिल्लाको गोलबजार नगरपालिकामा एक अपरिचित युवकको शव फेला परेको हो । गागन खोलाको पश्चिम किनारमा मंगलबार विहान करिब २५ वर्षको जस्तो देखिने युवकको शव फेला परेको प्रहरीले जनाएको छ ।
खोला किनारको झाडीमा भेटिएको युवकको शव हत्या गरि फालिएको हुनसक्ने प्रहरीले जनाएको छ । टाउकोमा चोट लागेको र घाँटीमा गम्छा बेरिएको अवस्थामा भेटिएकोले अन्यत्र कतै हत्या गरी त्यहाँ फालिएको हुनसक्ने इलाका प्रहरी कार्यालय गोलबजारले जनाएको छ ।
अनुहारमा किरा समेत लागेकाले दुई चारदिन अगाडी नै घटना भएको हुनसक्ने अनुमान गरिएको छ । घटना बारे अनुसन्धान सुरु गरिसकेको प्रहरीले जनाएको छ ।
प्रतिक्रिया