काठमाडौँ । प्रधानमन्त्री पुष्पकमल दाहालले आइबार नै जनमत पार्टीलाई सरकारमा सामिल गराउने तयारी गरेको भए पनि त्यो सोमबारका लागि सरेको छ ।
चितवन पुगेका प्रधानमन्त्री काठमाडौँ आएपछि पार्टीको बैठकमा व्यस्त भए । बैठकबाट पार्टीका मन्त्री अमनलाल मोदीलाई फिर्ता गरेर उनको ठाउँमा जनमत पार्टीकी नेता तथा सांसद अनिता देवी साहलाई मन्त्री बनाउने सहमति गराए ।
संघीय मामिला तथा सामान्य प्रशासन मन्त्री अमनलाल मोदीको ठाउँमा अनितादेवीलाई नियुक्त गर्ने र सपथ ग्रहण गराउने कार्य भने सोमबार नै हुने तय भएको राष्ट्रपति कार्यालय स्रोतले जनाएको छ ।
प्रधानमन्त्रीको सिफारिसमा राष्ट्रपतिले मन्त्री नियुक्त गर्ने छन् । र, नवनियुक्त मन्त्री अनितादेवीलाई संघीय मामिला तथा सामान्य प्रशासन मन्त्रीको शपथ सोमबार बिहान १० बजे ग्रहण गराउने कार्यक्रम तय भएको स्रोतको भनाइ छ ।
राष्ट्रपति कार्यालय स्रोतका अनुसार सोमबार विहान १० बजे मन्त्रीले शपथ ग्रहण गर्ने गरी तयारी भएको छ ।
प्रतिक्रिया