बारा । मधेश प्रदेशको बारा जीतपुरबाट अख्तियार दुरुपयोग अनुसन्धान आयोगको टोलीले एक जना वडाध्यक्षलाई घुस रकम सहित पक्राउ गरेको छ ।
हेटौडा स्थित अख्तियारको टोलीले बाराको जितपुर सिमरा उपमहानगरपालिका वडा नम्बर ३ का वडाध्यक्ष तारा बहादुर कार्कीलाई पाँच लाख घुस रकम सहित पक्राउ गरेको हो ।
नेकपा एमालेबाट वडाध्यक्षमा निर्वाचित कार्कीलाई जितपुर स्थित जयसवाल होटलबाट घुस रकम सहित पक्राउ गरिएको आयोगले जनाएको छ ।
वडाध्यक्ष कार्कीले पल्टीङ्ग जग्गाको बाटो सिफारिसका लागि सेवाग्राहीसँग घुस रकम लिई रहेको अवस्थामा आयोगको टोलीले पक्राउ गरेको हो । कार्की नेकपा एमालेका मधेश प्रदेश कमिटी सदस्य हुन ।
प्रतिक्रिया