जनकपुरधाम । महोत्तरीको भंगहाबाट जयनगरतर्फ जाँदै गरेको रेलमा लडेर एक यात्रुको मृत्यु भएको छ।
महोत्तरीको लोहरपट्टी नगरपालिका वडा नम्बर ४ स्थित खुटापिपरारीका ५० वर्षीय रामएकवाल पण्डितको मृत्यु भएको हो ।
आज बिहान ८ बजे महोत्तरीको भंगहाबाट जयनगर तर्फ जान लागेको रेलमा पण्डित लोहारपट्टीमा चढेका थिए ।
टिटी (रेलको कन्डक्टर)ले टिकट चेक गर्न जाँदा अचानक रेलको डिब्बाभित्रै लडेर उनको मृत्यु भएको हो ।
हृदयघातबाट उनको मृत्यु भएको हुनसक्ने प्रहरीको अनुमान छ ।
प्रादेशिक अस्पताल जनकपुरमा पण्डितको शव पोष्टमर्टमका लागि राखिएको छ ।
प्रतिक्रिया