जनकपुरधाम । भारतको अयोध्यामा निर्मित राममन्दिरको प्राणप्रतिष्ठाको अवसरमा जनकपुरधाम उल्लासमय बनेको छ ।
रामको ससुराली जनकपुरमा सोमबार बिहानैदेखि चोक–चोकमा राम धुन गुञ्जिरहेको छ मठ मन्दिरहरुमा भजनकिर्तन भइरहेको छ ।
जानकी मन्दिरमा श्रदालुको भिड लाग्दैछ । जनकपुरभर मन्दिर, सडकपेटी लगायतका ठाउँ ठाउँमा जय श्रीराम लेखिएको झण्डा फहराइएको छ । ।
जानकी मन्दिर परिसर फुल मालाले सजाइएको छ । आज बेलुकी ५ बजे मन्दिरमा सवा लाख दीप प्रज्वलनका गरिदैछ ।मन्दिर परिसरमा फूलले जय श्रीराम, धनुष र रामको चित्र कोरिएको छ ।
दिपोत्सव सम्पन्न भएपछि बेलुकी ६ बजे मन्दिर परिसरमै महागंगा आरतीको आयोजना गरिने जानकी मन्दिरका पुजारी ऋषिकेश झाले जानकारी दिए ।
उनका अनुसार आज विशेष दिन भएकाले गंगासागर पोखरीमा सधैँ हुने यो आरती जानकी मन्दिरमा हुन लागेको छ ।
प्रतिक्रिया