धनुषामा एक पुरुषको शव फेला

न्यूज डेस्क     २०८० माघ २६, शुक्रबार ०५:५८ बजे मा प्रकासित


जनकपुरधाम । धनुषा जिल्लाको सहिदनगरमा एक पुरुष मृत फेला परेका छन् ।वडा नम्बर–७ स्थित चिरैयाका ५५ वर्षीय फुलगेन ठाकुरको शव फेला परेको प्रहरीले जनाएको छ ।

प्रहरीका अनुसार बुधवार पारिवारिक विवाद भएपछि दिउँसो उनी घरबाट निस्केका थिए ।

तर साँझसम्म घर नफर्केपछि उनको सोधखोज सुरु गरिएको थियो । साँझ सात बजेतीर उनका छोराले फोन गर्दा मोबाइल स्वीच अफ देखाएको थियो ।

बिहीवार विहान शौच गर्न गएका मान्छेले शव देखेर गाउँमा खबर गरेका थिए । उनको शरिरमा कुनै घाउचोट नदेखिएको अनुसन्धानमा खटिएका एक प्रहरीले जानकारी दिए ।

घटनाबारे थप अनुस्न्धान भइरहेको ईलाका प्रहरी कार्यालय यदुकुहाले जनाएको छ ।

ठाकुरको शव पोष्टमार्टमका लागि प्रादेशिक अस्पताल जनकपुर ल्याइएको छ ।

प्रतिक्रिया





Top