मधेश पाटी,जनकपुरधाम, १८ साउन । मधेश प्रदेशको राजधानी जनकपुरधाममा रहेको जानकी मन्दिरको फूलबारीमा फूलका विरुवाहरू रोपिएका छन् । जनकपुरियन लेडिज ग्रुपको पहलमा बिहीबार बिहान जानकी मन्दिरको फूलबारीमा विभिन्न प्रजातिका १०१ वटा फूलको विरुवा रोप्ने कार्यक्रम भएको हो ।
त्यसक्रममा बेलपत्र, चन्दन, धुपी, रबर प्लान्ट, सम्मीलगायत विरुवा पनि रापिएको ग्रुपले जनाएको छ । केही दिनअघि मात्रै जनकपुरधामका युवा अभियानीहरूले फूलबारी क्षेत्रमा गरिएको तरकारी खेत नष्ट गरी फूल रोप्न आह्वान गरेका थिए ।
विरुवाहरू मधेश प्रदेश वन डिभिजन कार्यालयका अधिकृत सुरेश शर्माले उपलब्ध गराइदिएका थिए । फूल रोप्ने कार्यक्रममा जानकी मन्दिरका सहायक महन्थ रोशन दास, अभियानी युवा, सुरक्षाकर्मीलगायतले पनि सहभागिता जनाएका थिए ।
जानकी मन्दिरको फूलबारी क्षेत्रमा तरकारी खेती गरिएको पाइएपछि सर्वसाधारणले मन्दिरका महन्थको आलाेचना गरेका थिए ।
प्रतिक्रिया