सिरहा। सिरहाको गोलबजारबाट लागू औषध कारोवारमा संलग्न एक जनालाई प्रहरीले नियन्त्रणमा लिएको छ ।
गोप्य सूचनाका आधारमा ईलाका प्रहरी गोलबजारबाट प्रहरी निरीक्षक सुनिल कार्कीको कमाण्डमा खटिएको प्रहरी टोलीले ब्राउन सुगर सहित राम एकवाल गिरीलाई नियन्त्रणमा लिएको हो ।
गोलबजार नगरपालिका वडा नं. ६ लक्ष्मी मन्दिरस्थित बस्दै आएका ३६ वर्षीय रामएकवाल गिरिको घरमा खानतलासी गर्दा गिरी सुत्ने कोठाबाट २ थान थालमा कालो प्लास्टिकको २ वटा पोको बनाई राखेको अवस्थाका ब्राउन सुगर प्रहरीले फेला पारेको थियो ।
फेला पारिएको लागु औषध ब्राउन सुगरलाई तौल गर्दा ५०० मिलिग्राम भएको र उक्त लागू औषध रितपूर्वक लागु औषध सहित गिरीलाई नियन्त्रणमा लिई थप अनुसन्धान कार्य भइरहेको जिल्ला प्रहरी कार्यालय सिरहाले जनाएको छ ।
गिरीलाई मिति २०८०।०६।०६ गते अ. ०९;४५ बजेको समयमा प्रहरीले नियन्त्रणमा लिएको थियो ।
प्रतिक्रिया