जनकपुरधाम । महोत्तरी जिल्लाको जलेश्वर मेयरको सामाजिक संजालमा आलोचना गरेको आरोपमा युवा बद्रीनाथ झालाई प्रहरीले पक्राउ गरको छ ।
जलेश्वरका मेयर सुरेश साह सोनारले दिएको जाहेरीको आधारमा जलेश्वर ३ का बासिन्दा झालाई बिहीबार पक्राउ गरेको महोत्तरीका प्रहरी प्रवक्ता डिएसपी दिलीपकुमार गिरीले जानकारी दिए ।
उनका अनुसार पक्राउ परेका झामाथि साईबर अपराध कसुर मुद्दा चलाइएको छ । बिहीबार उनलाई महोत्तरी जिल्ला अदालतबाट हिरासतमा राख्ने पाँच दिनको म्याद थप गरेर अनुसन्धान गरिरहेको महोत्तरी प्रहरीले जनाएको छ ।
पक्राउ परेका झा समाजिक संञ्जालमा स्थानीय स्तरमा हुने भ्रष्टाचार, विक्रीति व्यतिथिको उजागर गरिरहन्छन् । मेयरकै आरोचना गरेको आरोपमा उनलाई पक्राउ गरेपछि चौतर्फी विरोध भइरहेको छ ।
प्रतिक्रिया