सिरहा । सिरहाबाट एक महिला अर्कैसँग भागेकी छिन् । मिर्चैया नगरपालिका-९, रमपुराका २३ वर्षीय राजपति यादवकी श्रीमती पुजा यादव अर्कैसँग भागेकी हुन् ।
उनीहरूको दुई वर्षअघि मात्रै सामाजिक परम्परा अनुसार विवाह भएको थियो । उनीहरूको डेढ वर्षको एक छोरा पनि छ । तर, उनी केहि दिनअघि भारतको बिहार राज्य, मधुवनी जिल्ला, कमलावारी पञ्चायत वडा ७ बस्ने रोशन यादवसँग भागेकी छिन् ।
परिवारजनका अनुसार, उनले बच्चासहित लाखौं मूल्य बराबरको गरगहना र दुई लाख ५० हजार नगद पनि घरबाट लगेकी छिन् । अहिले उनको खोजीमा सिंगो परिवार भौतारिरहेको छ ।
राजपतिले खोजीकार्य र आवश्यक कारवाहीका लागि प्रहरीमा उजुरी पनि दर्ता गराएका छन् । उनको खोजीकार्य तीव्र रूपमा भइरहेको सिरहा प्रहरीले जनाएको छ ।
प्रहरीका अनुसार, भारतीय प्रहरीसँग समन्वय गरेर खोजीको काम भइरहेको छ ।
प्रतिक्रिया